Лукоил Македонија ќе донира гориво на институциите кои се справуваат со корона вирусот

macedonia_start_products.jpg

Лукоил Македонија донесе одлука да додели гориво во вкупна количина од 15.000 литри на институциите кои се во првите борбени редови во справувањето со корона вирусот и тоа на: Министерство за здравство, Центрите за јавно здравје, Институтот за јавно здравје и Црвениот крст – информираат од компанијата.

Институциите, посочуваат, ќе добијат картички за гориво издадени од Лукоил Македонија кои ќе можат да се искористат на бензинските станици на Лукоил низ државата во претстојниот тежок период.

macedonia_start_products.jpg

„Оваа 2020 година со сигурност сите ќе ја запаметиме како исклучително тешка година. Човештвото во моментов се справува со можеби еден од најтешките предизвици во поновата историја. Владите преземаат мерки за справување со епидемијата, како и за намалување на штетите од потенцијална економската криза. Голем дел од бизнис секторот прави сè што е во негова моќ со цел да помогне, да ги поддржи институциите како и сите оние кои во оваа исклучителна ситуација им е потребна помош.  Искрено се надевам дека со доделувањето на гориво за институциите на системот и Црвениот крст ќе придонесеме во нивното успешно функционирање и обезбедување здравствена и друга помош за граѓаните во овој тежок период ” – изјави Андреј M. Куку, управител на Лукоил Македонија.

Leave a Reply

Your email address will not be published. Required fields are marked *