Бил Гејтс и Сорос пак го “спасуваат” светот. Сега купуваат фабрика за брзи тестови за корона. Ќе потрошат тешки милијарди!?

Мулти милијардерите, Џорџ Сорос и Бил Гејтс заеднички ќе купат компанија што планира да продава тестови за коронавирус по цена од само еден долар за парче!?

Конзорциум на инвеститори, предводен од Фондот за економски развој на Џорџ Сорос (SEDF) и Фондацијата Бил и Мелинда Гејтс, ќе финансира купување на британската компанија за дијагностичка технологија Мологиц, која разви брз, десетминутен тест за коронавирус, објави Фајненшал Тајмс.

За извршување на аквизицијата, конзорциумот го формираше социјалното претпријатие Global Access Health (GAH), чија цел е да се прошири пристапот до достапната медицинска технологија.

Членовите на ГАХ, наводно, се подготвени да инвестираат над 41 милијарда долари за финансирање на аквизицијата. Трансакцијата ќе вклучува купување на сите постоечки акции на Мологиц вклучувајќи ги и оние што ги поседуваат две приватни компании за управување со инвестиции, Форесајт груп и Калкулус капитал.

Пандемијата со ковид-19 болно ги демонстрираше основните нееднаквости во глобалното јавно здравје, а особено клучната важност за пристап до дијагностички алатки кои спасуваат животи. Во оваа единствена трансакција, филантропските фондови и инвеститорите работат заедно на решавање на барем еден дел од овој недостаток, рече Шон Хинтон, извршен директор на СЕДФ, јавува Танјуг.

Мологиц е основана во 2003 година од Марк Дејвис и неговиот татко, професорот Пол Дејвис, еден од креаторите на првиот тест за бременост од дома. Мологиц развива тестови за разни болести по пристапни цени, а неодамна ја доби и ознаката СЕ за своите тестови за коронавирус, кои компанијата планира да ги продава по цена од само еден долар за парче, пренесува Russia Today.

Сепак, тестот на компанијата за ковид-19 треба да биде одобрен за употреба во Велика Британија и во САД во наредниот период. Мологиц неодамна доби милион фунти (1,4 милиони американски долари) од британските власти за развој на тестови за ковид-19, но подоцна ја обвини владата дека ја цементира употребата на тие тестови во матичната земја.

Извршниот директор на Мологиц, Марк Дејвис, го поздрави договорот за аквизиција, велејќи дека тоа значи трансформација на неговата компанија во социјално претпријатие, што тој го опиша како „внимателен, логичен и природен чекор насочен кон обезбедување достапна дијагностика и биотехнологија на местата што се маргинализирани во немилосрдната трка за профит.

Leave a Reply

Your email address will not be published. Required fields are marked *