„Битола отворен град“ од 3 до 5 септември

Деветнаесеттото издание на фестивалот „Битола отворен град“ ќе се одржи од 3 до 5 септември. Во рамките на фестивалот ќе има разни изложби, промоции и концерти на македонски уметници.

В четврток, 3 септември, од 12 часот, во КЦ „Магаза“, ќе се одржи изложбата Coolest Dead People на Кристина Карапеоска, потоа во 20 часот ќе се одржи промоција на монографијата „Македонска дискографија – винили (1958-2019)“, прв том на Тошо Филиповски и Македонската музика од винили со DJ Chiko.

Во петок, 4 септември, на знтичкиот театар „Хераклеја“, од 21 часот, ќе се одржи концерт на Pluto’s Doubts, „Фолтин“ и „Суперхикс“, а в сабота на 5 септември во музејот „Пацио“ од 21 часот се закажани концерти на Вел, Mooger Fooger и Горан Трајкоски.

„На сите настани задолжително е почитување на протоколите за заштита од Ковид-19, мерење температура при влез, носење маска, дезинфекција на рацете и држење физичка дистанца. Организаторот го задржува правото да ги отстрани посетителите што нема да ги почитуваат здравствените протоколи“, се наведува во најавата за настанот.

Задолжителна е онлајн-регистрација за добивање бесплатен билет за концертите со строго дефиниран број посетители (на објавената програма на интернет-страницата на МКЦ има детали на која локација, колкав број публика ќе може да присуствува).

Оваа година фестивалот „Битола отворен град“ е поддржан од Министерство за култура како проект од национален интерес во културата во 2020 година и од Општина Битола.

Leave a Reply

Your email address will not be published. Required fields are marked *